Daily Calendar

Tuesday, January 24, 2012

مصر



بحبك يا بلدي
(اهداء لمصر)

اصرخ يا مواطن وقول
انا انسان وبشر وح نول
حريتي واكسر عبوديتي
خضوعي وخنوعي
الزمن غير الزمن
مافيش مكان للالم
الوقت وقتنا ويللا للعمل
علشان نكسر ونهدم
كل سدود الجهل
ونبني ونرفع لفوق
صروح العلم
اصرخ بأعلى الصوت
وقول أنا بحبك يا بلدي
ومش هاين علي اضحي
بيك وبشبابك
ايدي وايدك
سوا ح نكون
ضد الظلم والقهر
ضد العجز والفقر
يللا بينا نكمل المشوار
بقلوب قوية كلها حنية
لبلدنا... لشعبنا
كده احنا واحد
انت وانا
سوا ح نكون
لبلدنا عنوان
ضد كل ظالم وحاقد
بحبك يا بلدي
طارق السمهوري

No comments:

Post a Comment